AZ TR RU EN
»Baş səhifəm et »Seçilənlərə əlavə et »Sayta əlavə et »Arxiv
Baş Səhifə Foto Galeriya Video Xəbər Əlaqə
     
SON DƏQİQƏ : Türkiyəli professor: “Minaların yükü Azərbaycanın üzərində qalmamalıdır”     Azərbaycanla Ermənistan arasında sülh sazişi Cənubi Qafqazda inteqrasiyanın inkişafına xidmət edəcək      Ərdəbil vilayətində fəallar kəndlərin orijinal türk adlarının bərpasını tələb edir     Paşinyan Putinlə qapalı görüşün detallarını AÇIQLADI     Şərqi Azərbaycan məhkəməsi uşağına Türkay adı ilə şəxsiyyət vəsiqəsi ala bilməyən ailənin şikayətini təmin edib     Fransadan Bakı-İrəvan danışıqlarına REAKSİYA - Paris nə istəyir...     Türkiyədə yaşayan milli fəal Arəş Məkaridustun qardaşı Sulduz kəşfiyyat idarəsində dindirilib     Şuşa və Ağdamla yanaşı, digər ərazilərə də gedə biləcəyik     Azərbaycanda yeni virus TƏHLÜKƏSİ - "İnsanları təşvişə salırlar"     Urmiyə gölünün su səviyyəsi sürətlə azalır     Azərbaycanın analoji addım atmaq hüququ var     Şuşada keçirilən Qurultayın çox böyük tarixi mənası var     Gürcüstan Prezidenti azərbaycanlı gənclə görüşüb     Tanınmış azərbaycanlı alim ABŞ-da vəfat etdi     Azərbaycan-Qırğızıstan sənədləri imzalanıb     "Milli hərəkatımız İranda siyasi alternativ olma yönündə addım atmalıdır”     Türkiyənin 40 rektoru Azərbaycana gəlir     Ermənistan mina terrorunu dəstəkləyən və həyata keçirən ölkədir      Türk dövlətlərinin nazirləri Şamaxıda görüşəcəklər     Tehranda insan haqları vəkili Məhəmmədrza Fəqihinin məhkəməsi keçirilib    
Son Xəbərlər Hadisə Siyasət İqtisadiyyat Mədəniyyət İdman Qarabağ Diaspora Türk Dünyası Dünya
» Rusiya və Türkiyənin bir-birindən şübhəsi təbiidir, çünki...
12/04/2019 Yazdır

Rusiya və Türkiyə liderlərinin ikitərəfli münasibətlərlə bağlı verdikləri müsbət bəyanatlar əhəmiyyətlidir. Baxmayaraq ki, münasibətlərin ümumi səviyyəsi onların bəyanatlarının ümumi ruhuna tam uyğun deyil. Amma bütövlükdə – son bir neçə əsrlik müddəti götürəndə bu münasibətlərlə bağlı bəlkə də Türkiyə Cümhuriyyətinin qurulmasından qısa müddət sonrakı münasibətlərlə paralellik apara bilərik.

Bunu Teleqraf.com-a açıqlamasında “Qafqaz” Beynəlxalq Münasibətlər və Strateji Araşdırmalar Mərkəzinin (QAFSAM) rəhbəri, siyasi ekspert Araz Aslanlı bildirib.

O qeyd edib ki, hazırda Türkiyə Cümhuriyyətinin qurulmasından qısa müddət sonra olan münasibətlərdən də uğurlu ikitərəfli münasibətlər dövrüdür. Bununla belə, müsahibimiz qeyd edib ki, münasibətlərin tam arzulanan səviyyəyə çatmamasının bir sıra ciddi səbəbləri var:

“Rusiya ilə Türkiyə arasında ticarət dövriyyəsində balans Rusiyanın xeyrinədir. Türkiyə Rusiyadan aldığı qazın qiymətinin aşağı salınmasına nail ola bilmədi. Suriyada da münasibətlər tam arzulanan səviyyədə deyil. Hətta kürd məsələsində də problemlər qalmaqdadır. Bunların əsas səbəblərindən biri odur ki, hələ də Türkiyə-Rusiya münasibətlərinin əsas hərəkətverici qüvvəsi Qərb qarşıdurmasıdır. Yəni, ikisinin də Qərblə münasibətlərdə ciddi problem yaşamasıdır. Onlar əmin deyillər ki, Qərblə münasibətlərdə yaşanan bu gərginlik nə qədər çəkəcək?

Məsələn, Rusiyanın Qərblə yaşadığı gərginlik nə qədər sürəcək və Moskva nə vaxt Türkiyə ilə strateji əməkdaşlıqdan vaz keçəcək...

Eyni zamanda Rusiya da əmin deyil ki, Türkiyənin Qərblə münasibətlərində problem nə qədər davam edəcək və Moskva ilə münasibətləri nə vaxtadək dərinləşdirməyə çalışacaq... Düzdür, nüvə enerjisi məsələsində, S-400-lər, hərbi sahədəki əməkdaşlıq əvvəlki illərdən fərqli olaraq münasibətləri bir qədər dərinləşdirib. Əvvəlki illərdə Qərblə münasibətlərdə xırda gərginlik yaşayırdılar və qısamüddətli yaxınlaşırdılar. Bu dəfə həmin yaxınlaşmanın müddəti bir qədər uzun olub. Amma hələ də tərəflər bir-birini tam strateji müttəfiq kimi görmür”.

A.Aslanlı bildirib ki, Rusiya üçün ən vacib məsələlərdən olan Krım probleminə baxışda fərqlilik var:

“Həmin məsələyə görə Rusiyanın bütövlükdə Qərblə münasibətləri pisləşib. Yalnız bu məsələyə görə yox, həm də bu məsələyə görə...

Yaxud Suriya məsələsi Türkiyə üçün həyati dərəcədə vacibdir. Bu məsələdə iki ölkənin mövqeyi Ankaranın arzuladığı səviyyədə deyil. Bu cür məsələlər var. Qarabağ məsələsini də qeyd edə bilərik.

Türkiyə arzulayır ki, Qarabağ münaqişəsi Azərbaycanın ərazi bütövlüyü çərçivəsində, beynəlxalq hüquqa uyğun şəkildə həll olsun və bu prosesdə hərəkətverici qüvvələrdən biri Rusiya ola bilər. Amma Rusiya üstünə düşən rolu yerinə yetirmir.

Türkiyə prezidenti ümumi şəkildə ATƏT-in Minsk qrupunun həmsədrlərini tənqid edəndə əslində dolayısıyla Rusiyanın da bu məsələdəki yanaşmasını tənqid etmiş olur. Yəni bir neçə belə strateji əhəmiyyətli məsələ var ki, Türkiyə ilə Rusiya arasında fikir ayrılıqları davam edir”.

Siyasi şərhçi bildirib ki, Putin və Ərdoğanın münasibətlərinin ən səmimi olduğu dövrdə də Rusiya Türkiyənin kənd təsərrüfatı məhsulları ilə bağlı fərqli addımlar atırdı: “Halbuki Qərblə münasibətləri gərgin olduğu halda Qərbin, konkret olaraq Avropanın bir sıra dövlətlərinə daha loyal davranırdı.

Yəni, liderlərin şəxsi münasibətləri Rusiya-Türkiyə münasibətləri baxımından müsbətdir, bu tendensiya davam edərsə münasibətlər daha da dərinləşə bilər. Bəlkə nə vaxtsa strateji xarakter də daşıya bilər. Amma bu gün hələ o nöqtədə deyil. Odur ki, anlaşmazlıqların ortaya çıxması, böyüməsi, iki tərəfin bir-birindən şübhələnməsi, narahat olması təbiidir”.

 
Hava Vəziyyəti
Məzənnələr
 USD :  1.7
 EUR :  1.8409
 GBP :  2.1446
 TRY :  0.0528
 EUR/USD :  1.0829
YAZARLAR
İbrahim NƏBİOĞLU
100-cü GÜN
Dr. Nazim CEFERSOY
Azərbaycan-Türkiyə münasibətlərinə sabotaj cəhdləri var
Dr. Hatem CABBARLI
Nikol Paşinyanın siyasi-psixoloji portreti və Dağlıq Qarabağ münaqişəsi - TƏHLİL
Dr. Asif KURBAN
Bağımsızlığa Giden Yolda: 20 Ocak
Necdet SİVASLI
Azerbaycan Türkleri’nde "Ahır Çerşenbe" geleneği...
Araz ASLANLI
Şuşa Beyannamesi bölgesel barış ve iş birliğinin teminatı
Arif KESKİN
Sitem Ve Aklın Yolu
Dr. Afgan VELİYEV
Azərbaycan Cümhuriyyəti Parlamentinin ilk qadın əməkdaşı
Selçuk DÜZGÜN
AzerbayCAN’ımızdan Ne İstiyorlar?
Dr.Alesker ALESKERLİ
“Avrupa Parlamentosunun Kararı Ermenistan’ın Keyfini Kaçırdı”
Dr. Sinan OĞAN
Karabağ’da Olası Bir Savaşa Ne Kadar Hazırlıklıyız?
Dr. Cavid VELİYEV
Karabağ Zaferi’nin birinci yılında güney Kafkasya
Dr. Rövşen ŞAHBAZOV
29 Ekim Sabahı Uyanırken…
ən çox oxunanlar bu həftə | bu ay
İstatistik
 
Haberleri referans göstererek yayımlayabilirsiniz.  NewsAze.com Azerbaycanla ilgili dünya genelinde çıkmış haberleri 4 dilden okuyucularıyla paylaşmaktadır.

Partnerler
www.tureml.com      www.haberaze.com     www.turkiyedeneval.com     www.evaxtar.az    www.turaltrade.com

Asersoft