Tarix üzrə fəlsəfə doktoru Telli Akhun Korkmazın “Türk-rus müharibələri baxımından Əhməd Rəsmi Əfəndi və “Xülasətül-etibar” əsəri” adlı kitab “Elm və təhsil” nəşriyyatında çapdan çıxıb.

Azərbaycan Milli Elmlər Akademiyasının Məhəmməd Füzuli adına Əlyazmalar İnstitutundan AZƏRTAC-a bildiriblər ki, monoqrafiyada XVIII əsrdə yaşamış türk diplomatı və dövlət xadimi Əhməd Rəsmi Əfəndinin “Xülasətül-etibar” əsərini araşdıran müəllif bu mənbənin köməyi ilə dövrün bir sıra tarixi hadisələrini ətraflı nəzərdən keçirib.

Kitaba Əhməd Rəsmi Əfəndinin əsərinin müasir əlifbada mətni daxil edilib.

Nəşrin elmi redaktorları filologiya elmləri doktorları Paşa Kərimov və Azadə Musayevadır.